New Inform 10 minutes wey don pass
3 mins – Lassine Sinayoko too die fierce for im attempt to get di ball from im opponent and Mohamed Adel blow for foul.
1 min – Today match don’t start as Mali take di kickoff.
Mali vs Ivory Coast match preview
Mali go jam Africa Cup of Nations (Afcon) 2023 hosts Ivory Coast dis evening as both teams dey determined to flog each oda so dem go fit qualify for di semi final.
Remember say afta dem chop 4-0 from Equatorial Guinea during di group stage, Ivory Coast bin part ways wit dia manager Jean Louis Gasset.
Dem manage to scale through to di quarter final and dia match against Mali for Stade de la Paix for Bouake by 6pm today go be fight to finish as dem go wan prove say host nation no be for mouth.
Di Elephants dey eye dia third continental title afta dem win am for 1992 and 2015.
Mali on di oda hand go also wan show diasef as pipo sabi dem for dia defensive prowess.
Na only two goals Mali don chop throughout di tournament. Dia convincing victory ova a strong Burkina Faso team for di previous round show how formidable dem be as dem dey eye dia first Afcon trophy.
End of Twitter post
Mali vs Ivory Coast team news
Tottenham midfielder Yves Bissouma bin no play for Mali during dia round of 16 match sake of injury wey im bin sustain for training.
Mali coach Eric Sekou Chelle said dia match against Ivory Coast go dey emotional sake of say na between two brothers.
“Dis game go dey emotional; e go be match between two brothers, and I get my own perspective on di Cote d’Ivoire team,” Chelle said during the pre-game press conference on Friday.
“E get players for Cote d’Ivoire wit connections to Mali, so e go emotionally charged game,” e tok.
Former Ivory Coast international Emmanuel Eboue don credit interim coach Emerse Fae for bringing a “positive atmosphere” to di Elephants after Equatorial Guinea sama dem 4-0.
Fae bin guide Ivory Coast to a place for di quarter final afta beating defending champions Senegal on penalties for di last 16.
“Our kontri normally no need any coaching becos all di players good,” ex-Arsenal defender Eboue told BBC World Service.
“Dem all play in good clubs for Europe so we just need someone wey fit tok dem nicely and bring a positive atmosphere to di group.
“Dis team bin dey down and now dem dey up. Dem dey so happy to play as a team and dem get more confidence becose dem beat Senegal,” Eboue tok.
Mali vs Ivory Coast head to head
This will be the sixth Africa Cup of Nations encounter between Mali and Ivory Coast, and the first since Ivory Coast won the 2019 last-16 duel 1-0.
Ivory Coast never lost an AFCON match against Mali, as they won four of their previous five games (D1).
Mali scored just two goals and conceded nine for the previous five Afcon clashes with Ivory Coast. Dem neva score fewer goals against any oda team wey dem don meet more dan two times for di competition.